Wéi mir de 24. Januar schonns publizéiert haten, iwwerhëlt de Miguel Rodrigues d'Funktioun als Cadre intermédiaire RH an leet soumat seng Presidentschaft vun der Personaldelegatioun souwéi zäitgläich seng Memberschaft néier.
D'Personaldelegatioun huet an hirer Sitzung vum Februar eestëmmeg d'Larissa Simon als nei Presidentin gewielt.
D'Larissa wäert soumat ab dem 1. Mäerz dem Miguel seng Funktiounen ënnerhalb vum CHNP iwwerhuelen souwéi sech an Zukunft och an der Direction syndicale Santé, Services sociaux et éducatifs vum OGBL an an der Verhandlungsdelegatioun engagéieren. D’Larissa bleift och nach Member am CA vum DeWidong an wäert sech weiderhin am feelgood@chnp engagéieren.
De Posten vum Secrétaire, iwwerhëllt no eestëmmeger Wal, d'Melissa Thill.
Den Oliver Koch bleift der Delegatioun als Vize-President erhalen an engagéiert sech weiderhin awer och vill fir eis op nationalem Niveau an beruffs- an aarbechtspoliteschen Beräicher (z.B. Executivbüro vun der Direction syndicale OGBL, CSCPS, D'Grënnung vum "Haus vun de Gesondheetsberuffer", Verhandlungsdelegatioun vum Kollektivvertrag, CPH ...)
Donieft begleet den Oliver d’Rehaklinik bei hieren gréisseren Bauprojet’en, wou hien als Intermédiaire, tëscht dem Terrain an den Planer agéiert.
Mir freeën eis ob dësen Challenge, an wäerten Iech och Zukunft mat Rot an Dot zur Säit stoen.
Är Personalvertriedung
Kommentare